Daventar in museum da TiM

Tge avantatgs han ins sco museum da TiM?

Museums n'èn betg mo lieus da cultura, mabain era lieus d'inscunter ch'i vala la paina da scuvrir. Per blers umans èn museums però in champ nov. TiM envida umans che na visitassan uschiglio forsa betg in museum. TiM gida a reducir retegnientschas d'entrar e creescha experientschas positivas en il museum.
 
A persunas interessadas culturalmain porscha TiM la pussaivladad da prestar lavur voluntara en il museum – senza chaschunar in grond impundiment per il museum.

Tge fa TiM per nus?

• Nus As menziunain sco museum da TiM sin nossa pagina-web. 
• Ensemen cun las persunas responsablas per la regiun As gidain nus a chattar guidas e guids da TiM voluntaris da Vossa regiun. 
• Nus As tramettain in set da bainvegni da TiM. 
• Nus As colliain cun auters museums da TiM e cun guidas e guids da TiM ed As cussegliain en il rom d'acziuns d'intermediaziun. 

Tge faschain nus per TiM?

• Vus offris a tandems da TiM entrada libra en Voss museum (valur directiva: 25 visitas a 2 persunas l'onn).
• A la recepziun è pront per ils tandems in pitschen regal (carta postala, bon da café, etc.).
• Vus inditgais sin Vossa atgna pagina-web /sin Voss chanals da social media d'esser in museum da TiM.
• Vus annunziais sin Vossa pagina-web occurrenzas da TiM en Voss museum.
• Vus fixais ina persuna da contact per TiM.