Daventar in Guid da TiM

Esser in(a) guid(a) da TiM, tge vul quai dir?

Sco guida u guid da TiM As engaschais Vus sin basa voluntara. Vus avais la prontezza d'accumpagnar in auter uman en il museum. Quai capita almain quatter giadas l'onn. En il cas ideal faschais Vus quai cun insatgi che Vus enconuschais strusch u anc insumma betg. Vus pussibilitais ad umans che n'èn forsa anc mai stads en in museum ina nova experientscha culturala.

Tge fa TiM per Vus?

• Vus survegnis in badge da Tim. Cun quel pudais Vus visitar gratuitamain Voss museum cun la persuna che accumpogna Vus.
• Vus essas part d'ina rait da guidas e guids da TiM en Vossa regiun e l'entira Svizra che s'inscuntra online u al lieu.
• Vus survegnis in invit per occurrenzas da TiM.

Tge faschais Vus per TiM?

• Vus animais almain quatter giadas l'onn in auter uman dad ir cun Vus en il museum ed inventais in'istorgia ensemen.
• Sche pussaivel As participais Vus a las occurrenzas da TiM en Vossa regiun.
• Vus avais la prontezza da visitar in museum cun umans che sa drizzan a Vus.

Co pudais Vus chattar partenarias e partenaris per in tandem da TiM?

I dovra curaschi dad esser ina guida u in guid da TiM e da contactar auters umans. Nus mussain co ch'i reussescha da chattar quest curaschi ed engaschi. Qua in pèr cussegls:

• Per cumenzar envidais Vus insatgi che Vus enconuschais gia, ma che Vus vulais emprender d'enconuscher d'ina vart nova.
• Dumandai insatgi da la vischinanza, il vendider da Vossa butia dal quartier u Vossa coiffeusa.
• Publitgai Voss intent sin l'agen chanal da las medias socialas.
• Pendai si in inserat en il center da Voss quartier, en la chasa da la plaiv ubain en in auter punct da reuniun local.
• As annunziai tar la chasa d'attempads en Vossa vischinanza.
• Contactai in'uniun che lavura cun umans cun biografia da migraziun.
• Sche Vus avais in'autra idea, raquintai ella a nus.