TiM TaM – Tandem en il museum

Avais Vus gugent occurrenzas culturalas? As legrais Vus d'inscunters cun auters umans? Giais Vus gugent en il museum e discutais gugent cun auters davart Vossas experientschas? Lura essas Vus en sasez gia in guid da TiM, ma n'essas anc betg conscient da quai. Sco guid da TiM giais Vus en il museum cun in uman che Vus n'enconuschais betg ubain in d'in auter context. «TiM – Tandem en il museum» As porscha il rom ed ils meds necessaris. Vus schliais communablamain ina simpla incumbensa ed entrais uschia en in dialog.

«TiM – Tandem en il museum»

Uschia funcziuni:

Envidai insatgi da visitar cun Vus in museum.
En il museum tschernis Vus communablamain in object, inventais latiers in'istorgia e la publitgais sin www.mi-s.ch.
Vus visitais ina segunda giada il medem museum u tschernis in auter. Alternativamain visitais Vus il museum en dus u trais tandems, damai en quatter u sis persunas.

Ina colliaziun online ed analoga

Vus visitais en dus in museum – il meglier en Vossa vischinanza – tschernis ensemen in object ed inventais latiers in'istorgia da tandem. Alura la publitgais Vus sin www.mi-s.ch. Forsa avais Vus gust da scriver ulteriuras istorgias e da restar en contact.

100 vias per chattar in uman che As accumpogna en il museum.

Pledentar insatgi dal tuttafatg ester, sco quai che Sabine da Berna fa.
Emprender d'enconuscher insatgi enconuschent en in'autra moda, sco quai che Monika pratitgescha.
Tschertgar il discurs cun insatgi en il museum, sco quai che Ernst quinta far.
Dumandar in dals vischins, sco quai che Cornelia fa.
Ir cun insatgi en il museum, per il qual ins ha fatg las cumissiuns durant il lockdown, quai fa Selian.
Publitgar sin Facebook: «Tgi m'accumpogna en il museum?», in'idea da Nora.
Spetgar sco Francesca davant il museum e guardar tgi che pudess accumpagnar ins en il museum.